Mostrando entradas con la etiqueta Actividade 2. Mostrar todas las entradas
Mostrando entradas con la etiqueta Actividade 2. Mostrar todas las entradas

UD1 Compoñemos imaxes.

Actividade 1 
Compoñemos imaxes
















Compositores da imaxe. 
O rectángulo áureo.
Arte: Kandinsky.
Percepción visual: Rudolf Arnheim.
Deseño gráfico: Donis A. Dondis.


Contidos B1.1., B1.2., B1.3.
Criterios de avaliación  B1.1.,B1.2

Compositores de imaxes. 
Como compoñemos unha imaxe con criterio.

Nocións de percepción visual



Kandisnsky: Punto, liña e plano.

Donis A. Dondis: Composición nos deseños gráficos.


Rudolf Arnheim: 

"Percepción visual = Observación sensorial directa + Imaxen mental"



1. Contidos

2. Actividades
2.1 Tarefas
2.2 Recursos para as tarefas

3.Xustificación


4. Bibliografía e fontes





1. Contidos



Para compoñer con criterio unha imaxen temos en conta varios principios basados na percepción visual. Se trata de organizar as figuras que colocamos na nosa lámina ou superficie de traballo para que estas resulten equilibradas ou armónicas. Vamos partir dun formato armónico, o rectángulo áureo. Teremos en conta as achegas do pintor Kandinsky, inventor da arte abstracta: a estructura das forzas visuais dunha imaxe de Rudolf Arnheim e consellos de deseño gráfico de Donis A. Dondis.

Como referencias para compoñer unha imaxe armónica ou atractiva utilizamos na unidade didáctica o rectángulo áureo, a obra artística do pintor Kandisnky e algunhas das aportación de investigadores da percepción visual e do deseño gráfico.


Matemáticos gregos descubrieron fai dous milenios a proporción áurea e a aplicaron á arte. No Partenón podemos ver esa proporción que resulta máis armónica e atractiva a nosa percepción visual.


Ao dividir un segmento en dous partes a e b se cumple que (a+b)/a= a/b e se obtense unha proporción áurea na que a razón a/b ten un valor aproximado de 1,618... que se coñece como número áureo ou número phi.


A partir da definición de Euclides, da división dun segmento na sua razón media e extrema, introducimos a propiedade dos rectángulos áureos e obtemos tamén o número phi, valor da ecuación e da proporción áurea.


O rectángulo áureo descomponse nun cadrado e noutro rectángulo áureo. Estes rectángulos están relacionados por unha rotación dilatativa coa que podemos ampliar en mais rectángulos aureos por cuxos vertices trazamos a espiral áurea.









Observa as imaxes dun rectángulo áureo, do seu procedemento e da sua aplicación e resultado visual no Partenón.










A tia de Wassily Kandinsky contáballe de cativo contos e lendas da sua cidade, Moscú, que lle inspiraron e lle fixeron interesarse pola sua cultura. De moi xoven levaba sempre unha libreta na que debuxaba e escribía todo o que se lle ocurría e comenzó a interesarse polas cores da natureza.

Exerció con éxito como avogado ata os 30 anos. Con esa idade marchou para Alemania a estudar  na Academia de Belas Artes de Munich. Foi profesor na innovadora Escola da Bauhaus de 1922 a 1932, ata que os nazis a pecharon.

É un dos primeiros pintores da arte abstracta e o seu artista máis representativo. Escribiu varios libros, entre eles Punto e liña sobre o plano no que investigou sobre o peso e a composición das formas simples.

Para Kandinsky o máis importante eran as cores e os sentimientos que lle producían. A música estaba moi unida a sua pintura. Para o pintor, como o fora para Piet Mondrian, a cor e o son non se podían separar e o cadro se convertía nunha obra musical.

"Todo se volvía claro...
a descrición dos obxectos perdía todo sentido...
no cadro só quedaban as cores:
un abismo abríase aos meus pes



Kandinsky, 1913, Sans titre (Etude pour Composition VII,Dominio Público, recuperada de wikipedia
Acuarela de Kandinsky considerada a primeira obra abstracta.




Porte fenetre a Collioure de Matisse 1914, dominio público, recuperada de wikipedia.




No libro Art and Visual Perception: A Psychology of the Creative Eye, o investigador da percepción visual, Rudolf Arnheim, propuso a idea dun esqueleto estructural para un formato de lienzo cadrado.
Coas suas investigacións Arnheim demostrou que o ollo humano busca a referencia do centro, da vertical e da horizontal en calquera imaxe. A partir destas referencias esto permite establecer un equilibrio en calquera elemento e as formas que se desvíe desta estructura van xerar unha tensión visual.
Cada formato de lienzo, lámina ou soporte gráfico, ten unha red estructural de forzas que o percorren. Incluso cando non hai elementos nel, o noso ollo verase atraído a certas partes do lienzo ou da imaxe contida nel, debido a red de forzas que se amosan a continuación.















Estructuras das forzas visuais.
Creadas coa app Style








En deseño gráfico Donis A. Dondis co seu libro Sintaxe do deseño gráfico achega unha obra de referencia para os deseñadores.


O concepto sintaxe utilízase con moita frecuencia no mundo do deseño gráfico. Que significa sintaxe? De onde provén e que outras disciplinas utilizan este concepto?. Da sintaxe ao analise é un proceso que os pintores utilizan para trasladar ao lienzo a sua percepción do representado.









2. Actividades

Compoñemos imaxes e aplicamos os contidos.




2.2 Tarefas

2.2.1 Coa estructura de Rudolf Arnheim facemos un collage.

2.2.2 Debuxamos a espiral áurea para pintar unha caracola.

2.2.3 Compoñemos imaxes con e sen equilibrio.

2.2.4 Aplicamos o filtro Kandinsky da app Style as nosa imaxes.

2.2.5 Pintamos con acuarelas ou con témperas nunha lámina con cores cálidas para a figura e  cores frías para o fondo.

2.2.6 Escoller unha das tríadas de cores desta ligazón e deseñar un logo para a nosa identidade coorporativa en duas tarefas:

  2.2.6.A Bocetos a man do noso logo en láminas DINA4

 2.2.6.B Fotografiar ou escanear o noso logo e integrar o texto da nosa marca cunha app como typorama.


2.3 Recursos e materiais para as tarefas

     
         Acuarelas - témperas - láminas DINA4 ou papel de acuarela -
         paleta para mezclar cores - pincel número 8




         2.3.1 Apps: 

Propoñemos estas apps e animamos aos estudantes a buscar outras alternativas a compartilhas coa clase.






















2.3.2 Outros recursos: 










3. Xustificación





Para desenvolver estas actividades e tarefas facilítase unha información inicial ou introducción cos contidos que o alumnado completará investigando ou buscando nova información en Internet, é dicir, deberá aceder, obter, procesar e usar a información para crear novos contidos para saber comunicar con medios dixitais. A práctica e o exercicio desta competencia dixital logra que o alumnado aprenda a aprender por se mesmo. O proceso da aprendizaxe está pautado en cada unidade didáctica e as AbP relacionadas coa aprendizaxe das tarefas propostas.

O presente recurso e os seus materiais educativos están deseñados ex-profeso para o 4º curso de Educación Plástica e audiovisual na ESO (Educación secundaria obrigatoria). Varias das súas actividades e proxectos son extrapolables e factibles de colegir a outros niveis e para outros ámbitos educativos.
As actividades hanse correlacionadas cos criterios de avaliación e os contidos do currículo da Lei de Ordenación do sistema de Educación Secundaria en España e na Comunidade Autónoma de Galicia vixente durante o desenvolvemento do recurso en 2019.
Para as aprendizaxes baseadas en proxectos, a cada un deles corresponden varias unidades didácticas, recoméndanse impartir previamente as actividades e tarefas relacionadas.
En canto ás aplicacións informáticas recomendandas cabe destacar que son moitas as apps que mudan de gratuítas a funcións premium ou de pago polo que se recomenda, con axuda do alumnado, atopar alternativas que teñen as mesmas ou parecidas ferrramentas e funcións.


Desde as antigas culturas ata as actuais os procesos de creación artística estiveron presentes nas respostas dadas ás necesidades de expresión e comunicación e serviron para analizar, comprender e resolver os problemas de representación e para achegar solucións visuais, plasmando nunha imaxe ou representación gráfica, as intencións comunicativas, narrativas ou expresivas. 



−  Promover a apropiación e reelaboración de imaxes fotográficas como resposta a diferentes propostas creativas e como resposta a distintos problemas artísticos. 


−  Promover a procura de formulacións nos que as relacións entre a arte e a cultura non sexan entendidas como concluíntes e estancas, localizando propostas que poidan ilustrar e representar as posibles direccións e conexións que se dan entre elas. 

−  Propiciar a análise e a experimentación con distintos procesos de creación artística que empreguen ou empregasen (debuxo, pintura, escultura...) ao longo de distintos momentos e en distintas culturas. 

−  Propoñer lecturas reflexivas de imaxes e de documentos relacionados con esas imaxes buscando apreciar calidades plásticas, conceptuais, culturais... 

−  Promover o desenvolvemento de proxectos individuais ou colectivos para crear imaxes e solucións artísticas, como resposta a problemas sociais ou como diálogo con outras imaxes existentes. 

−  Impulsar a análise de imaxes e obxectos artísticos de diferentes espazos e tempos buscando entender os seus procesos de creación como produtos complexos nos que interveñen diversos factores.




Propostas de traballo:



− Elaboracións artísticas, a partir de determinadas propostas onde o alumnado proxecta as súas propias respostas. Poden entenderse dentro deste apartado desde traballos preparatorios, a traballos de proceso ou a variacións do produto final.
− Cadernos de traballo e bosquexos, onde se recollen ideas relacionadas co mesmo, observacións sobre as actividades de dentro e fóra das clases... Permite valorar o traballo reflexivo e mostra evidencias do progreso, ademais de que a plasmación escrita é unha boa maneira de mostrar o aprendido.
− Presentacións visuais, orais ou escritas. Poden ser individuais ou grupales e permiten a valoración dos traballos durante o seu proceso ou ao a finalización dos mesmos. Favorecen reparar na importancia do proceso creativo e na importancia das achegas do resto do grupo.
− Persoais de autoevaluación sobre un determinado traballo. Permiten tomar conciencia dos puntos fortes e débiles, e apreciar os desenvolvementos persoais e creativos nos progresos artísticos.
− Contratos de traballo, son convenios establecidos entre profesorado e alumnado onde de mutuo acordo establécense unha serie de condicións de traballo que se comprometen a cumprir.
− Cartafol de traballo ou portafolio. Recollen todas as etapas dun traballo, desde o seu inicio á conclusión, pode tomar diferentes formatos en función do tipo de elemento empregado como debuxos, escritos, fotografías... Trátase dunha variedade de elementos do proceso de traballo que permiten valorar a progresión de cada persoa. Propoñemos a achega dos traballos nunca carpeta drive onde cada estudante escanea ou fotografía os exercizos realizados sobre papel, onde sube as suas imaxes dixitais e as sas presentacións e diapositivas.









  •  


Moitas obras de pintores a “Cidade da Pintura”, ideada pola Asociación “Axúdalle a Camiñar”, é un espazo na internet dedicado á creación e mantemento de postos de traballo para persoas discapacitadas, quen desenvolve o seu labor profesional nesta “Cidade” tendo como meta a difusión da arte.












Fontes:

Propostas de traballo de:
Obxectivos dixitais nos recursos educativos:
Beneficios de debuxar ou de garabatear:




UD2 Coloreamos con criterio.

Actividade UD2


Coloreamos con criterio. 




O círculo cromático.

Deseño de memes con cores complementarias.

Ilustrar e trocar significados da cor para logos.


Contidos B1.4
Criterios de avaliación B1.2


1.Contidos

2.1 Actividade

2.2 Tarefas
2.3 Recursos para as tarefas

3.Xustificación.

 3.1 Temporalización
 3.2 Avaliacións

4. Bibliografía e fontes.



1. Contidos




.
Utilizamos un círculo cromático de doce cores como referencia para colorear con criterio. Distinguimos dentro do círculo tres cores primarias: azul cian, magenta  e amarelo. No círculo sitúanse a tres espazos de cor as cores secundarias, froito de mesturar as primarias entre si cunha porcentaxe igual de cor. Por exemplo, coa mesma cantidade de cor amarela e de cor azul obtemos a cor secundaria verde. As tres cores secundarias son verde, laranxa e violeta.

Ao dividir o círculo cromático en dúas partes cunha diagonal que pase polas cores amarelo verdoso e púrpura diferenciamos as cores frías das cores cálidas.
As cores frías teñen a propiedade de alonxarse no espazo e de comprimirse visualmente. As cores cálidas, polo contrario, exténdense e acercanse.

Cando trazamos unha diagonal polo círculo cromático as dúas cores dos seus extremos son cores complementarias. Unha cor complementaria non ten ningunha proporción de cor da complementaria correspondente. A cor amarela non ten ningún compoñente de cor da violeta (azul + maxenta = violeta). Entre as propiedades das cores complementarias temos a propiedade de que situadas unha ao lado da outra ambas adquiren maior brillo e luminosidade. Esta propiedade foi utilizada polos pintores impresionistas, e os deseñadores gráficos coñécena e utilizana para resaltar formas ou textos sobre fondos de cor.








As tríadas de cores son combinacións armónicas de tres cores situadas á mesma distancia no círculo cromático. No círculo de doce cores hai tres espazos entre si. Unha tríada de cores é un conxunto de cores que están espaciados uniformemente ao redor da roda de cores. Teñen unha boa variedade de cores, ben equilibradas.






Mestura o suma aditiva de cores primarias luz.

Sistema RGB




Teoría da cor





Mestura o suma sustractiva de cores primarias pigmento.





2.1 Actividades

"Coloreamos con criterio"

Primeiro imos ter en conta o número de cores que imos a utilizar. Non existe unha norma estrita pero xeralmente máis de 6 cores simultáneas nunha composición poden ser demasiadas se existe un gran contraste entre elas. Temos en conta formar unha combinación agradable se a relación entre elas é axeitada como por exemplo nas tríadas de cor.
É preferible poucas cores antes que moitas porque o risco de estridencias é menor. Podemos afirmar que 3 cores nunha mesma composición sería unha das composicións mínimas a utilizar e, na maioría dos casos, debería ser suficiente. Con menos de 3 cores as posibilidades de que a imaxe sexa aburrida son moi grandes.




2.2 Tarefas


2.2.1 Pintar un círculo cromático de doce cores con témperas.
2.2.2 Paisaxe con cores cálidas diante e cores frias nos fondos. 
2.2.3 Deseñar un meme con dúas cores complementarias.
2.2.4 Deseñar cunha app un logo para a nosa empresa ficticia utilizando unha tríada de cores.
2.2.5 Analiza e descubre as gamas de cores dos perfís de instagram.



2.2.1 Pintar un círculo cromático de doce cores con témperas.

Precisamos ter as cores primarias de témperas, azul cian, maxenta e amarelo.
Nunha lámina de formato DIN A3 debuxamos con compás un círculo e dividimolo en doce partes iguais. Trazamos diagonais polo centro da circunferencia unindo as divisións.
Comezamos pintando primerio as cores primarias cun pincel número 8, ou aproximado, deixando tres espazos entre elas. Pintamos a continuación as cores secundarias mesturando as primarias. Utiliza o borde dun folio ou lámina para non pintar fora do quesiño.






2.2.3 Deseñar un meme con dúas cores complementarias.

Un meme é unha imaxe modificada cun texto con fins caricaturescos e que se difunde principalmente a través de internet. A imaxe de partida é unha fotografía, un gif ou un video.

A palabra meme provén da palabra grega mimema que significa algo que imita. O termo meme foi empregado por primeira vez en 1967 no libro "The selfish gene" de Richard Dawkins que o define como unha unidade de transmisión cultural ou unidade de imitación. Conteñen ideas, comportamentos ou estilos que se expanden dentro dunha cultura da a mesma forma evolutiva que o gan os xenes ou un viros (de aí a palabra viral). 
Buscamos apps gratuitas para facer memes segundo o sistema operativo, Linux/Ubuntu, Apple ou Androide, para realizar a tarefa nun dispositivo móbil ou nun computador.

Escollemos dúas cores complementarias como cores principais da imaxe. No exemplo as dúas cores escollidas son o verde e o vermello. Lembra que basta con trazar unha liña diagonal polo círculo cromático de doce cores para atopar doce posibilidades.

Exemplo de meme con duas cores complementarias.


Anímaste a facer un meme? Estes debuxos de sinselos bonecos están feitos coa app Rage Comics en apple e con eles podes crear divertidos memes. Utiliza Meme generator free se o teu dispositivo é un androide ou traballa en liña desde unha páxina web como iloveimg.




 
Video meme.  Video giff de @veronica_eltFonte




2.2.4 Deseñar cunha app un logo para a nosa empresa ficticia utilizando unha tríada de cores ou con tres cores.

O primeiro paso é debuxar un bosquexo con lapis e rotuladores. Facemos a continuación unha foto co dispositivo móbil. Con esa fotografía podemos recortala, engadir filtros e engadir texto con outra app.


Verde, amarelo, laranxa.


Anagrama con tríada de cores primarias






 2.3 Recursos para as tarefas.


Giphy para memes



gifs.com para facer un meme a partir dun video






3. Xustificación. temporalización e avaliación. Ligazón



4. Bibliografía e fontes

blog.aulaformativa.com/4-ios-app-para-generar-y-editar-paletas-de-colores/

blogthinkbig.com/captura-con-tu-smartphone-los-colores-que-encuentres

paredro.com/las-7-mejores-apps-de-android-totalmente-gratis-para-disenadores/

macdaddy.io/style/ Giffs, App Style e sistemas operativos.


ANALIZA AS CORES DE PERFILES DE INSTAGRAM:

www.domestika.org/es/blog/850-calcula-tu-paleta-de-colores-de-instagram


Recurso compartido:

procomun.educalab.es/es/ode/view/1528708899748  Pintamos una app.